Xalqaro Turizm Akademiyasi — Samarqand kampusi
Xalqaro Turizm Akademiyasi Samarqand kampusi O'zbekiston Respublikasida turizm sohasini rivojlantirish, xalqaro standartlarga mos kadrlar tayyorlash va soha mutaxassislarining malakasini oshirish maqsadida tashkil etilgan davlat ta'lim muassasasidir.
Akademiyaning tashkil etilishining huquqiy asoslari
Xalqaro Turizm Akademiyasi Samarqand kampusi O'zbekiston Respublikasi Prezidentining "Butunjahon turizm tashkiloti shafeligida Xalqaro turizm akademiyasi Samarqand kampusi faoliyatini tashkil etish to'g'risida"gi PQ–350-son qarori asosida tashkil etilgan.
Akademiyaning huquqiy maqomi
- Akademiya davlat muassasasi shaklidagi yuridik shaxs hisoblanadi.
- Akademiyaning muassisi — O'zbekiston Respublikasi Turizm qo'mitasi huzuridagi "Ipak yo'li" turizm va madaniy meros xalqaro universiteti.
Missiya va qadriyatlar
Xalqaro turizm akademiyasi Samarqand kampusining missiyasi — turizm va mehmondo'stlik industriyasini rivojlantirishga xizmat qiladigan, xalqaro standartlarga mos, amaliy bilim va ko'nikmalarga ega malakali mutaxassislar avlodini shakllantirishdir.
Akademiya ta'lim jarayonida UN Tourism (sobiq UNWTO) tavsiyalari, ilg'or xalqaro tajriba hamda real biznes amaliyotini uyg'unlashtirgan holda, turizm sohasida ishlayotgan va faoliyatini yangi bosqichga olib chiqmoqchi bo'lgan mutaxassislar uchun qayta tayyorlash va malaka oshirishning zamonaviy modelini joriy etadi.